Numri i vendeve që i kanë bërë ban PUBG sa vjen dhe shtohet. Tani është Jordania ajo që i bashkohet listës. Gjithsesi duket se PUBG nuk është e vetmja pretendente për tu ndaluar, pasi janë gjashtë lojëra të tjera që mendohet të kenë të njejtin fat, përfshirë këtu Fortnite.
Ndalimi i PUBG ka ardhur në fuqi që në 4 korrik dhe vendimi ka ardhur si pasojë e një studimi të World Health Organization. Këtu PUBG klasifikohet si një lojë e dhunshme që sjell izolim social dhe varësi te të rinjtë. Më tej arrihet në përfundimin se dhuna në lojërat online ka efekte të caktuara në sjelliet e fëmijëve, adoleshentëve dhe të rriturve.
Deklarata në fund thotë se ndalimi i lojërave është bërë për të mirën e interesave nacionale. Shumë qytetare u ankuan dhe komentuan negativisht rreth situatës.
Nuk është hera e parë që përballemi me një situatë të tillë. Ky ndalim vjen pas shumë të tjerëve që më parë kanë ndodhur në Indi, Irak dhe për një periudhë të shkurtër kohore edhe në Nepal.
Tendenca e ndalimit të këtyre lojërave vihet re shpesh në vendet e Azisë Juglindore. Këtu edhe varësia që lojtarët tregojnë është më e madhe. Gjithsesi do të shohim se si kjo situatë do të agravojë me kalimin e kohës.