Jon Bernthal, nga The Punisher do të luajë antagonistin në Ghost Recon: Breakpoint

Ghost Recon: Wildlands e Tom Clancy ishte një nga videolojërat më të shitura të 2017s dhe një vazhdim i lojës military shooter është në rrugë e sipër. Pjesa interesante këtu është që do të përfshijë dikë që të gjithë e njohin dhe e duan,

Jon Bernthal, i njohur për fansat e tij për rolin e Shane në The Walking Dead dhe si Frank Castle në The Punisher dhe Daredevil të Netflix, do të luajë rolin e antagonistit në Ghost Recon: Breakpoint. Aktori do të japë imazhin, zërin dhe lëvizjet e tij për përdorim në lojën që do të lançohet në 4 tetor të 2019s për PC, Xbox One dhe PlayStation 4.

Jon do të luajë rolin e Cole D. Walker, një personath i prezantuar jo më larg se javën e shkuar në Operation Oracle, një DLC për Wildlands.

Historia e Breakpoint do të përfshijë lojtarin, në drejtim të një skuadre Ghosts në një lufte brenda një ishulli, kundër Walker dhe skuadrës së tij të mercenarëve, The Wolves, në tentativën e tyre për të pushtuar akipelagun e Oqeanit Paqësor, Aurora. Ata kanë dhe robota vrasës në anën e tyre.

Një nga tiparet më të mëdha të Wildlands është versioni dixhital i Bolivisë, që lojtari mund ta përdori si ti teket atij. Në Breakpoint, synimi është që të ofrojë këtë ide në një mjedis ishullor që përmban edhe detajin më të vogël, me xhungla, plazhe, maja akullnajore dhe edhe një vullkan aktiv.

Zhvilluesit në Ubisoft Paris janë duke u fokusuar shumë në realizmin e videolojërave. Në grupin e punës kanë sjellë edhe një veteran ushtarak të forcës Green Beret si shkrimtar dhe konsultues. Tipare të reja të gameplay-it përfshijnë kurimin e plagëve në fushë, kampimin dhe kamuflimin për tu fshehur nga armiqtë.

Ndaj nëse jeni fansa të Ghost Recon: Wildland, të parrahur ende me seritë, ose ende në rikuperim e sipër me vendimin e Netflix për të anulluar The Punisher, një gjë është e sigurt. Do të fiksoheni keq fare kur Ghost Recon: Breakpoint të lançohet në tetor.