Filmi i Todd Phillips është në rrugë të mirë për të marrë një Oscar.
JOKER fil stills
Filmi i Todd Phillips është në rrugë të mirë për të marrë një Oscar.
Joker i Todd Phillips fitoi Golden Lion në Festivalin e 76 të Filmit në Venecia, një çmim që e pozicionon direkt filmin në nominimet për Oscar dhe për një fitore të mundshme në disa prej kategorive ku do të përzgjidhet.
Venice Film Festival është festivali më i hershëm i filmave dhe Golden Lion është çmimi i tij kryesor. Regjizori Todd Phillips falenderoi Warner Bros dhe DC që i dhanë mundësinë të dilte jashtë pritshmërive me këtë film, duke marrë përsipër një koncept kaq të guximshëm në trajtimin e Joker.
Tre nga katër filmat e fundit amerikanë që kanë fituar Golden Lion kanë marrë 31 nominime për Academy Awards, duke fituar 10 prej tyre. The Shape of Water fitoi Best Picture dhe Best Director me Guillermo del Toro në 2018n. The Wrestler u nominua për Best Actor dhe Best Supporting Actress në 2009n. Brokeback Mountain fitoi Best Director dhe u nominua gjithashtu për Best Picture dhe Best Actor në 2006n.
Roma, e vitit të shkuar, nga regjizori meksikan Alfonso Cuarón ishte fituesja e Golden Lion për 2018n dhe fituesja e kategorisë Best Director në ceremoninë e këtij viti të Oscars.
Joker, me Joaquin Phoenix në rolin kryesor është një adaptim i historisë së origjinës së personazhit. Premiera e tij e parë ishte në 31 gusht në Venecia. Filmi do të vijë si premierë në kinema në datë 4 tetor.
Në shumicën e rasteve kur filmat nga comis books kanë marrë Oscars, kanë qenë nominime në kategoritë teknike ose të dizajnit. Përjashtimet e vetme kanë qenë kur Heath Ledger u nominua dhe fitoi si Best Supporting Actor në Dark Knight të 2008s dhe kur Black Panther u nominua për Best Picture në 2018.