John Wick 5 ka marrë dritën jeshile për të vazhduar para, kjo pa dalë akoma John Wick 4. John Wick 5 dhe John Wick 4 do të filmohen paralelisht duke nisur nga fillimi i 2021. Kjo u njoftua nga CEO i Lionsgate, John Feltheimer. Për momentin të dy projektet e John Wick janë ende në fazën e skenarit, sado që akoma nuk është konfirmuar asnjë skenarist. Regjizori Chad Stahelski, që është përfshirë në të tre filmat e mëparëshëm të John Wick, do të jetë me shumë gjasa pjesë i dy të tjerëve.
Bën sens në fakt që Lionsgate do të donte që të shtonte dozën e John Wick, duke marrë parasysh të gjitha prurjet financiare që ka sjellë për kompaninë. Filmi origjinal i John Wick në 2014 bëri $88.7 milionë fitime. John Wick 2 fitoi $171.5 milionë dhe John Wick 3, filmi më i fundit, fitoi $326.7 milionë. Seritë ja kanë dalë të performojnë mirë edhe me kritikat.
Reeves, që momentalisht i ka duart e zëna me The Matrix 4, nuk është i vetmi që duhet të bëjë xhirime paralele. Tom Cruise është duke bërë të njejtën gjë me Mission Impossible 7 dhe Mission: Impossible 8.
John Wick 4, që u njoftua në maj të vitit të shkuar, do të ketë premierën në 27 maj të 2022. John Wick 5 pritet të vijë në 2023.