Regjizori i lojës shprehet mbi rëndësinë që Joel dhe Dina do të kenë në The Last of Us 2
Regjizori i lojës shprehet mbi rëndësinë që Joel dhe Dina do të kenë në The Last of Us 2
Një pjesë e mirë e asaj që kemi parë në The Last of Us 2 tashmë e përqëndron vëmendjen në një version të rritur të Ellie dhe marrdhënies së saj me Dina, duke vënë në pikëpyetje rëndësinë e Joel në këtë histori. Në fakt nuk kemi parë asgjë nga Joel në The Last of Us 2 deri pak më herët gjatë kësaj jave, kur traileri i ri zbuloi pamje të tij. Tani, falë një interviste me drejtorin krijues të lojës, Neil Druckman, mund të konfirmojmë se historia e Joel do të vazhdojë të jetë një nga pikat e fokusit.
Druckmann sugjeron se lidhja mes Ellie dhe Joel në qendër të The Last of Us do të vazhdojë të jetë një nga aspektet kyçe të vazhdimit të historisë. “Lidhja e tyre është e konsumuar. Një pjesë sepse adoleshentët do të mbeten adoleshentë dhe pjesa tjetër prej historisë së tyre, vetë arsyeja pse si keni parë bashkë edhe aq shumë.” Thotë Druckmann. “Një pjesë e madhe e The Last of Us është për këtë duo, dinamikën e tyre dhe mënyrën se si ata qëndrojnë bashkë. Do të them se Joel luan një rol të madh në këtë lojë.”
Druckmann vijon ligjëratën e tij, duke theksuar edhe rëndësinë e romancës mes Ellie dhe Dina, mbi të gjitha në kompleksitetin që ajo mbart. Traileri i fundit i lojës i ka shqetësuar fansat mbi fatin e Dina në The Last of Us 2 dhe shumë spekulojnë se mund të jetë vdekja e saj ajo që përcakton trajektoren e Ellie. Në trailer tregohet Dina në një përballje me Clicker dhe më pas Ellie që sheh me tmerr teksa një person qëllohet i vdekur.
The Last of Us 2 do të lançohet në 21 shkurt të 2021.