Fitorja vjen 11 vite pasi Heath Ledger fitoi Oscar për të njejtin rol.
Fitorja vjen 11 vite pasi Heath Ledger fitoi Oscar për të njejtin rol.
Ditët e stigmatizimit të Oscars me comic-books janë në të shkuarën, pasi Joaquin Phoenix fitoi Best Actor për historinë e origjinës së Joker.
Pas një fitoreje të madhe në Venice Film Festival dhe një suksesi po të njejtë menjëherë më vonë në Golden Globes, Joker ka mundur të marrë Academy Award për aktorin më të mirë. Kanë kaluar kohë që pas nominimit të The Dark Knight në këtë ceremoni. Black Panther dhe Spider-Man: Into the Spider-verse thyen mallkimin duke u nominuar përkatësisht parvjet dhe vjet dhe këtë vit Joker ka forcuar edhe më shumë emrin e comic-books. Phoenix e mori seriozisht dhe të njejtën gjë bënë edhe votuesit.
“Kjo mënyrë e të shprehurit më ka falur jetën më të jashtëzakonshme,” u shpreh aktori në hapjen e fjalimit të tij. “Por dhurata më e madhe që më është dhënë, është të përdor zërin tonë për ata që nuk mund të flasin.” Phoenix vazhdoi ligjëratën e tij duke detajuar se si jemi “shkëputur nga bota natyrale.”
Phoenix është i dyti pas Heath Ledger që ka fituar një Oscar për portretizimin e personazhit të Joker. Ideja e dy aktorëve që fitojnë çmime për të njejtin personazh është e rrallë, por jo e pandeshur më parë në historikun e kinematografisë përgjatë dekadave të fundit.
Kishte goxha konkurencë në kategorinë Best Actor për 2020. Joaquin Phoenix ja kaloi Antonio Banderas (Pain and Glory), Leonardo DiCaprio (Once Upon a Time…in Hollywood), Adam Driver (Marriage Story) dhe Jonathan Pryce (The Two Popes) për të marrë statujën e tij. Le të themi se ishte një fitore e merituar.