Duket se përmes rënies së Telltale disa lojëra do të zhduken edhe nëse njerëzit tashmë i kanë blerë prej kohësh. Minecraft: Story Mode nuk është më e disponueshme për tu blerë në mënyrë dixhitale dhe edhe nëse e keni blerë, keni kohë deri në 25 qershor për ta shkarkuar. Pas asaj do të zhduket një herë e mirë.
Ky lajm është zbuluar nga një postim në Minecraft.net që iu thoshte lojtarëve që kishin blerë lojën, ta shkarkonin përpara datës 25 të këtij muaji. Postimi lexon:
“Siç mund ta dini publikuesi i lojës ka falimentuar, që fatkeqësisht do të thotë që Minecraft: Story Mode nuk do të mbështetet më. Nëse i keni blerë këto sezone, ju lutemi shkarkoni episodet e mbetur para se shërbimi të shkëputet në qershor.”
Ky paralajmërim thotë se Minecraft: Story Mode do të jetë plotësisht i padisponueshëm pas datës 25 qershor, ndaj nëse jeni pjesë e këtij grupi, nxitoni.