Pas gushtit të 2019s loja racing e PS4 nuk do të jetë më në shitje.
Pas gushtit të 2019s loja racing e PS4 nuk do të jetë më në shitje.
Nuk është se është edhe aq e papritur, por Driveclub zyrtarisht do të ketë fundin e saj në 2020ën. Keni ende një vit kohë për ta luajtur, ndaj sigurohuni që të mos e lini në harresë.
Serverat për Driveclub, Driveclub VR dhe Driveclub Bikes do të fiken në 31 mars të 2020s. Kohë për ti blerë lojërat dhe DLC e tyre do të keni deri në 31 gusht të 2019s, pasi pas asaj date nuk do ti gjeni më në listimet e PlayStation Network.
Pasi këto masa të aplikohen, vetëm modet single-player do të mund të luhen dhe për një lojë që bazohet aq shumë në ndërveprimet multiplayer, nuk është tamam shumë lajm i mirë. Edhe komponentët social të lojës do të mbyllen.
Driveclub u lançua në 2014n, por si shumë lojëra që varen nga komuniteti online, u mbyt nga një audiencë e madhe në lançim. Loja ende po haste vështirësi me tipare të caktuara dhe me performancën në E3. Efektet e motit përshembull nuk iu bashkuan lojës deri dy muaj pas lançimit. Sony premtoi edhe një edicion PlayStation Plus për lojën dhe iu desh gati një vit për ta bërë gati.
Update-in e fundit loja e pati në mars të 2016s me DLC finale të lojës që erdhi në po të njejtën ditë. Për çudi atë ditë Sony ka njoftuar edhe se zhvilluesi Evolution Studios do të mbyllej.
Na vjen gjithmonë keq kur një lojë përfundon në mënyrë të tillë, por le të shpresojmë që asnjë nga ju nuk e ka patur si lojë të preferuar. Ngushëllimet tona nëse po.