Ka patur shumë thashetheme mbi thrillerin e fundit të Ubisoft, Watch Dogs 3. Sado që Ubisoft nuk ka njoftuar asgjë zyrtare rreth lojës, një account misterioz i Watch Dogs 3 ka dalë në Twitter, duke implikuar fuqishëm që Watch Dogs 3 do të vendoset në Londër dhe që do të zbulohet në E3 2019.
Adresa e Twitter të Watch Dogs UK doli vetëm para disa ditësh. Sado që në këtë adresë nuk ka ende asnjë postim, mund të vërehet logoja e Watch Dogs 2 në të. Qartazi kjo është nga loja e dytë dhe jo nga ajo e tretë. Mendohet se Ubisoft nuk do të zbulojë shumë rreth Watch Dogs 3 dhe do të zgjedhi këtë mënyrë për ti mbajtur gjërat më të mbuluara.
Pjesa tjetër që duhet komentuar është bioja e kësaj adrese.
“Adresa zyrtare e Watch Dogs UK. Na ndiqni për të rejat, lajmet dhe trailerat më të fundit. Insagram-“watchdogsgame_uk #watchdogs”
Instagrami që përmendet në këtë bio është hapur në 2016n dhe postimin e fundit në të e ka patur në 5 maj të 2017s.
Pra meqë Watch Dogs 2 ka mbi dy vite që ka dalë, nuk do të kishte sens që Ubisoft të fillonte të jepte informacion rreth një loje të vjetër. Ndaj nënkuptimi i “të rejat, lajmet dhe trailerat më të fundit.” ka gjasa të jetë i drejtuar për Watch Dogs 3.
Krahas shumë leak-ave që kanë sugjeruar se Watch Dogs 3 do të zhvillohet në Londër, duhet të marrim parasysh që ka edhe fakte që e mbështesin këtë hipotezë. Në të shkuarën Ubisoft ka publikuar trailer-a për shumë prej lojërave të tyre në rajonet zyrtare në Ubisoft. Kompania, për arsye marketingu, ka account-e për çdo rajon.
Pra sa herë që Ubisoft do të nxjerrë një lojë të re, ajo rekamohet në adresat e rajonit zyrtar të lojës. Ndaj ekziston edhe mundësia që adresa në fjalë të jetë hapur vetëm për qëllime rajonale.
Në fund të ditës, sado që vëmendja më e madhe e Ubisoft është momentalisht e përqëndruar në Ghost Recon: Breakpoint të Tom Clancy, probabiliteti është që Watch Dogs 3 do të zbulohet në qershor gjatë E3 2019.