Jeff Kaplan ka thënë se Overwatch nuk do të ketë hero tjetër për këtë vit

Jeff Kaplan, drejtori i Overwatch, ka konfirmuar se Overwatch nuk do të marrë një hero tjetër këtë vit, pas lançimit të Echo.

Në një intervistë, Kaplan tha se sado që skuadra e zhvillimit të Overwatch është duke krijuar heronj të rinj, ata nuk do të shtohen në overwatch. Këto personazhe do ta bjnë paraqitjen e tyre në vazhdimin e Overwatch, që mendohet të lançohet më vonë gjatë këtij viti ose vitin e ardhshëm.

“Nuk mendoj se do të shohim më heronj për Overwatch,” tha Kaplan. “Jemi të fokusuar shumë në Overwatch 2 në këtë pikë. E dimë se sa njerëzit i duan personazhet e reja, ndaj jemi duke bërë disa prej tyre për Overwatch 2.“

Sado që fansat kanë qenë kritikë për prezantimin e heronjve DPS në krahasim me tanks dhe supports, Kaplan tha se skuadra e zhvillimit është duke punuar për heronj të ri në këto kategori. Momentalisht ka 17 damage heroes, vetëm tetë tanks dhe shtatë support.

Shtojca më e fundit e Overwatch është Echo, një qënie AI e krijuar nga Dr. Mina Liao. Duket se ajo do të jetë e fundit në listën e heronjve të overwatch, duke e mbyllur me një total prej 32.