Këngëtari amerikan Jason Derulo, do të jetë një nga artistët kryesorë që do të performojë në festivalin e parë të League of Legends në Lindjen e Mesme, të quajtur “The Nexus”, një event tre ditor në Arabinë Saudite për të festuar zgjerimin e Riot Games në atë rajon.
Riot Games njihet tashmë që sjell talente të njohura muzikore në të gjitha eventet e tyre madhore. Këngët dhe bashkëpunimet e tyre për Worlds me disa nga artistët më të njohur, njihen si hite edhe jashtë botës së gaming. Mund të themi që studioja ja del shumë mirë ta ndërthurë gaming dhe forma të tjera të argëtimit së bashku.
Artisti RNB, Jason Derulo është një emër që shumë njerëz nuk do e asocionin me League of Legends, por kjo gjë do të ndryshojë së shpejti. Ai do të jetë një nga artistët kryesore që do të performojë në The Nexus, festivalin masiv të LoL në Lindjen e Mesme.
Ky festval do të sjellë mbi 20 aktivitete të lidhura me lojën dhe një prize pool prej $2,000,000 për të gjitha turnamentet që do të mbahen brenda periudhës tre ditore. Ka për të qenë një event masiv.
Jason Derulo do të performojë në koncertin e dytë të festivalit në 7 dhjetor, për të përmbyllur eventin e Nexus. Ylli i RNB së fundmi publikoi edhe një EP të re të quajtur “2Sides (Side 1),” materiali i tij i parë personal që prej 2015s.
DJ Mako dhe Crystal Method gjithashtu do të performojnë në këtë event. Të dy emrat kanë punuar me Riot më parë, me DJ Mako që ka performuar Piercing Light në albumin Warsongs dhe Crystal Method që ka ndihmuar në krijimin e këngës Kinetic për DJ Sona.
Riot Games e njoftoi hyrjen e tij në tregun e Lindjes së Mesme në 2018n, kur hapi një zyrë në Dubai. Festivali Nexus është tentativa e tyre e parë për të katapultuar League of Legends në këtë raloj dhe për të shtuar numrin e lojtarëve të LoL në këtë komunitet.
Nexus do të mbahet përgjatë datave 5-7 dhjetor si pjesë e Riyadh Season në Arabinë Saudite, një festival tre mujor ky që sjell së bashku forma të kulturës dhe të artit në vend.