Messi, Gnabry, Pjanic dhe McTominay janë yjet e kopertinës për këtë vit.
Messi, Gnabry, Pjanic dhe McTominay janë yjet e kopertinës për këtë vit.
Teksa një sezon i ri futbolli afreohet, dy skuadra janë ato që do të përballen me njëra-tjetrën në betejën e simulatorit më të mirë të futbollit. Këtë vit eFootball PES 2020, emri i ri për PES e këtij viti është duke shpresuar që do të të rrëmbejë disa lojtarë nga audienca e FIFA dhe deri tani me të drejtat për Juventusin dhe Brazilin, duket se nuk është në rrugë të keqe.
Më herët këtë muaj doli njoftimi se PES 2019 do të ishte pjesë e lojërave falas të PS Plus, por një vendim i minutës së fundit e ndërroi atë me Detroit: Become Human. Gjithsesi pa merak, sepse sërish do të mund ta provoni PES falas, pasi demoja për versionin e këtij viti është falas në Xbox One, PlayStation 4 dhe Steam sot. Mos ndoshta ky është viti që do ta ndërroni FIFA 20 me PES?
Krahas publikimit të demos, Konami ka zbuluar edhe kopertinën zyrtare të eFootball PES 2020. Zakonisht në lojërat e tyre, shfaqet vetëm një personazh futbolli, por këtë vit kemi katër yje. Messi, Gnabry, Pjanic dhe McTominay, që përfaqësojnë përkatësisht skuadrat e tyre: Barcelona, Bayern Munich, Juventus dhe Manchester United.
Tani afër Konami i dha një goditje të fortë EA kur njoftoi se kishin marrë të drejtat ekskluzive për gjigandin Italian Juventus. Kjo e bën PES 2020 të vetmen lojë futbolli që do të përfshijë kampionët e Serisë A. Një deklaratë në faqjen e Juventus lexon: “Bashkëpunimi me Konami do i bëjë seritë e eFootball PES të kenë përdorim ekskluziv të Juventus në videlojërat e futbollit, përfshirë këtu emrin e skuadrës, simbolin dhe fanellat zyrtare.”
“Krahas kësaj, skuadra e zhvillimit ka patur akses në vetë lojtarët përmes skanimeve të plota 3D, për të rikrijuar sa më mirë ngjashmërinë mes tyre në lojë.”
Ndaj nëse doni versionin më të mirë të Cristiano Ronaldo dhe Allianz Stadium do të duhet të qëndroni te PES 2020 këtë vit. Versioni më i fundit i Pro Evolution Soccer do të ketë edhe liçensimin e plotë të Manchester United. Kjo do të thotë që ata nuk do të luajnë më te Trad Brick Stadium.
Përsa i përket Scott McTominay, shumë fansa do të jenë të çuditur që ai është lojtari i zgjedhur për ti përfaqësuar ata. Pavarësisht se ai është shumë i preferuar ndërmjet fansave është relativisht i ri në skuadër. Ndoshta Konami nuk donte të rrezikonte me Pogba dhe De Gea në këtë rast. Gjithsesi demoja për versionin e ri të PES 2020 ka dalë. Nisjani lojës.