Jack Black filmon ‘Let’s Play’-in e parë në një lojë ku gjendet vetë

Brutal Legend rikthehet

Që pasi aktori Jack Black lançoi kanalin e tij të lojërave në YouTube në dhjetor ai ka postuar 11 video dhe ka mbledhur rreth 4 milion subscribera. Shumica e videove janë vlogs, por tani ai ka postuar ‘Let’s Play’-in e tij të parë dhe është pikërisht me lojën në të cilën ai ka luajtur edhe vetë, Brutal Legend.

Jack Black ishte zëri i personazhit kryesor Eddie Riggs dhe është vërtet argëtuese ta shohësh atë duke narratuar teksa luan. Ai thotë se është si të jesh hedhur pas në kohë dhe se gjithashtu i mban mend disa nga batutat.

Videoja e mëposhtme është më shumë se sa thjesht një gameplay. Na jep një intro nga youtube-ri Ricky Berwick dhe nuk është një “Let’s Play” tradicional. Qëllimi i videos nuk është që Black të indikojë ndonjë rikthim të tij në Brutal Legend, sepse kjo nuk ndodh në asnjë pjesë të lojës. Gjithsesi Jack Black duke komentuar personazhin e tij teksa luan vetë lojën është mjaftueshëm. Shikojeni videon e plotë më poshtë.