Pritja mund të jetë e gjatë, ndaj nuk mund ta lëmë të shkojë dëm.
Pritja mund të jetë e gjatë, ndaj nuk mund ta lëmë të shkojë dëm.
Fansat e Grand Theft Auto janë duke pritur me padurim ardhjen e Grand Theft Auto 6. Derisa të vijë kjo e fundit, ata kanë gjetur një mënyrë të pazakontë për të kaluar kohën në GTA V.
Edhe pse Rockstar Games ka qëndruar e heshtur për një lojë të mundshme të vazhdimit të serive Grand Theft Auto, kjo gjë nuk i ka ndaluar fansat të konspirojnë dhe të gjejnë leaks, siç ndodh gjithmonë me lojërat e shumëpritura.
Sado që disa fansa po përkushtojnë çdo minutë të kohës së tyre si detektive, disa të tjerë kanë gjetur mënyra të çuditshme për të shtyrë pritjen dhe një prej tyre është të bërit xhiro në hartën Los Santos të GTA V.
YouTuber-i 10HourMovies i filloi gjërat në 5 tetor dhe deri tani ka bërë rreth 1000 xhiro. Gjatë asaj kohë me mijëra shikues kanë ndaluar që të shikojnë teksa ai bën gara në hartën Los Santos.
Gjithsesi disa shikues kanë qenë pak skeptikë për live stream-in, me disa prej tyre që thoshin se YouTuber-it duhet ti jetë dashur ndonjë farë asistence për ta mbajtur stream-in në vazhdim pa u ndaluar.
Komente që thonë se mund të jetë një bot ose një video tashmë e regjistruar mund të gjenden shpesh në chat, ndërkohë që YouTuber-i gjithashtu i përgjigjet edhe mesazheve në mënyrë të rregullt.
Sigurisht që nuk dihet se si po e bën të mundur vazhdueshmërinë e këtij stream-i 10HourMovies, por padyshim që është një ide goxha interesante. Gjithsesi duket se pa njoftimin zyrtar të Grand Theft Auto VI, stream-i do të vazhdojë. Nëse do të mund të ketë të njejtin sukses është diçka për tu vënë në pikëpyetje, por herë pas here ja vlen ti hidhni një sy për të parë se ç’bëhet.