Ja si do të funksionojë Ranked në Call of Duty: Modern Warfare

Formula tradicionale ranking e Call of Duty duket se do të pësojë disa ndryshime në 2019n, për lançimin Modern Warfare të Infinity Ward. Gjithsesi ky sistem ranking vjen nga një leak, ndaj nuk është plotësisht i konfirmuar nëse është ai që do të gjendet në lojë.

‘Prestige‘ ka qenë prej kohësh një funksion në seritë e Call of Duty. Në momentin që një nivel i caktuar arrihet në segmentin multiplayer në lojës, lojtarët kanë mundësi që të përdorin prestige dhe ti bëjnë reset rankut të tyre. Ky sistem tipik duket se do të pësojë disa modifikome për lançimin e Call of Duty: Modern Warfare në 25 tetor.

Sipas leak-ut nga TheGamingRevolution sistemi prestige nuk do të jetë fare pjesë e këtij instalimi të ri. Mendohet se do të ketë një sistem të ri për ranking. Personi që shpjgoi leak-un tha:

“Kur të filloni Modern Warfare do të keni nivelet standarte nga i pari tek i 55. Pasi të keni arritur nivelin maksimal, do të bëni një tranzit në një rank sezonal që do të jetë një rank i përkohshëm deri në fund të sezonit ku loja gjendet momentalisht.”

Teksa po rrisni rankun sezonal, në mënyrë të ngjashme me Battle Pass në Fortnite, do të ketë sfida që do ti plotësoni për të marrë XP modifiers për pjesën e mbetur të sezonit. Ranku sezonal në Modern Warfare mendohet të ketë një limit rreth 160, por kjo gjë ende nuk është prerë me thikë.

Sfida e vërtetë për ata që duan t’i futen lojës me kokë, do të vijë nga armët individuale, pasi mendohet që shumica e armëve do të kenë 80+ nivele. Me zhvendosjen e sistemit prestige nuk do të ketë më nevojë që të merrni përgjithmonë një armë ose paisje, pasi këto items nuk do të bëjnë kurrë reset.

Sipas leaks pesë sezonet e para do të quhen:

• Season 1: Broken Arrow
• Season 2: Cyber Attack
• Season 3: Bio Warfare
• Season 4: Home Grown Terrorism
• Season 5: Climate War

Se sa do të zgjasë një sezon mbetet ende për tu parë, por me sistemin e ri të nivelimit, duket se Infintiy Ward ka implementuar mënyra të reja për të tërhequr ata që duan të jepen plotësisht pas Call of Duty.