Detajet e Call of Duty Modern Warfare Road to Launch kanë arritur dhe kjo do të na japë një ide më të mirë se kur mund të presim pamje të Campaign-it të Modern Warfare.
Modern Warfare do të kthehet në rrënjët e gameplay-it taktik dhe të guximshëm të serive dhe një pjesë që të gjithë janë duke pritur, është sinqeriteti brutal që do të shfaqet në historinë e lojës. Kemi parë disa pamje nga multiplayer-i, por fansat e mëdhenj të COD janë të paduruar për të parë më nga afër story mode.
Sipas Activision, pamjet e campaign-it të Modern Warfare do të publikohen në fund të shtatorit.
Road to Launch gjithashtu tregon datën e ardhjes së premierës së mode-it Spec Ops. Mund të themi se javët në vijim janë tepër emocionuese për Modern Warfare.
Nuk është ende e qartë nëse historia e Modern Warfare klasifikohet si kontradiktore në standartet e Call of Duty ose thjesht njerëzit këto kohë janë më të ndjeshëm ndaj realiteteve të botës.
Traileri i lojës zbuloi se story mode do të ketë rajone të ndryshme dhe rikthimin e Captain Price. Do të kemi të bëjmë me disa tematika të prekshme. Pamjet e fundit që u treguan privatësisht në E3, kishin shqetësuar disa gazetarë mbi shfaqjen e dhunës seksuale dhe vrasjes së grave.
Trailer-i i rradhës pritet të zbulojë gjëra edhe më shokuese. Shumica e komunitetit të lojës janë duke e mbështetur drejtimin që po merr Call of Duty Modern Warfare dhe Activision e ka bërë të qartë me kohë se nuk do të censurojë asgjë. Mbetet të presim për fundin e shtatorit pra.