Ja se ku janë rrethat përfundimtar më të mundshëm në PUBG

Analisti i PUBG zbulon vendndodhjen e rrethave përfundimtarë në Erangel dhe Miramar

Një ish-trajner kompetitiv për PUBG ka zbuluar zonat më të mundshme ku lojtarët do të ndodhen kur vjen puna te rrethi final i lojës.

Kur vjen puna tek lojërat battle royale, pavarësisht nëse është Fortnite, PUBG ose Apex Legends, RNG-ja (random number generator) është padyshim një prej faktorëve më të mëdhenj kur vjen puna tek fitorja. Ai vendos ku shfaqen sendet e lojës, si do të lëvizë zona dhe ku do të luftosh në rrethin final të lojës.

Kur lojtarët mundohen të studiojnë mënyrën se si funksionin RNG, zakonisht është shumë e vështirë për të gjetur vendndodhje të cilat të garantojnë armët dhe armaturat optimale për të fituar. Megjithatë, një analist ka vendosur të hedhë hapin tjetër duke gjetur vendndodhjet e rrethave përfundimtarë në hartat Miramar dhe Erangel.

Alexander ‘Dyrem’ Sevirinov, ish-trajner i Team Russia, paraqiti zbulimet e tij ditën e djeshme, duke thënë se ka studiuar mijëra lojëra kompetitive të PUBG. Sipas kërkimit të Dyrem, ka katër vendndodhje kryesore të rëndësishme në Miramar: Power Grid, Juknyard, jugu i Impala dhe verilindja e Chumacera.

Ndërkohë, dukej se situata ishte pak më e balancuar në Erangel, me disa zona si Military Base, malet në jug të Georgopol dhe Pochinki me rezultate thuajse të njëjta.

Ndërkohë që disa njerëz filluan të dyshonin për këto kërkime, Dyrem zbuloi se ai ka punuar për to në patch-in #28, por asgjë nuk kishte ndryshuar kur e update-oi lojën në patch-in #30.

Padyshim që disa lojtarë i panë këto rezultate si një mundësi për të kërkuar ndryshim nga zhvilluesit e lojës, Bluehole. Lojtari i Team Envy Nick ‘Interrogate’ Raposo postoi një tweet: “Hiqni land ratio nga Miramar. Ndryshoni land ratio në çdo hartë. @PUBGEsports @PUBG“

Pavarësisht se ka mundësi për të gjetur pikat finale të një ndeshje në të dyja hartat, padyshim që Miramar është shumë më e lehtë për t’u deshifruar dhe për të bërë një zgjedhje të menduar mirë për vendin ku duhet të ndodhesh në fund të lojës.

Ende nuk dihet nëse këto gjetje do t’i bëjnë lojtarët profesionalë të PUBG të ndryshojnë vendet se ku hidhen ose nëse Bluehole do të bëjë ndryshime në hartë, por të paktën tani ata mund të mendojnë plane të reja loje.