Është bërë e traditës për Chapter 2 që lojtarët e Fortnite të kërkojnë çdo javë në hartë për gërma të fshehura që formojnë fjalën ‘Fortnite’. Për ata që kanë Battle Pass-in, me ardhjen e Trick Shot Challenges, ka ardhur koha të vihen në kërkim të T-së së dytë.
Në dallim nga battle stars dhe banners, gërmat kanë qenë relativisht të thjeshta për tu dalluar në loading screens dhe as T-ja e kësaj jave nuk bëri përjashtim. Ja ku ndodhet ajo në loading screen-in e kësaj jave.
Është e dukshme që vendi ku do të doni të kërkoni për këtë është Weeping Woods. Gjithsesi, ka disa ura të ndryshme në atë vendndodhje që mund të hasni gjatë kërkimit tuaj.
Për ta patur më të thjeshtë, në hartën e mëposhtme gjendet vendi ekzakt ku duhet të shkoni. Në momentin që të shkoni aty, kini parasysh që do ju duhen disa sekonda për të ndërvepruar me gërmën, ndaj ruani shpatullat.
E përsërisim sërish që këto gërma janë vetëm për ata që e kanë blerë Battle Pass-in, ndaj do ju shfaqen vetëm atyre lojtarëve. Pasi të plotësoni gërmat e fjalës FORTNITE, skini sekret që në fakt është bërë leak, bashkë me sfidat e javës së 8&9, do ju presë si shpërblim. Paçi fat!