Ja ku mund të gjeni Astro Heads në Fortnite

Fortnite dhe Travis Scott janë duke mbajtur një seri të veçantë koncertesh në lojë, përgjatë një periudhe tre ditore dhe gjërat fillojnë zyrtarisht sot. Si pjesë e këtij eventi ka sfida të reja që mund të plotësohen, cosmetics si skini i Travis Scott etj. Ndër këto sfida është dhe një që ju kërkon të kërceni nga Astro heads. Shikoni guidën e mëposhtme për të parë se ku mund ti gjeni ato.

Për ta plotësuar këtë mision do ju duhet të kërceni nga pesë Astro heads, prej të cilave të gjitha ndodhen rreth Sweaty Sands, zona ku do të mbahet koncerti i Astronomical. Nuk duhet të jetë e vështirë ti gjeni këto koka, pasi ato janë versione gjigande të kokës së Travis Scott. Mund ti gjeni ato të shënuara në hartën më poshtë.

Siç kërkon edhe sfida ideja është që të kërceni nga ato, pra është ide e mirë që ti hidheni nga sipër. Mund ta bëni këtë përgjatë ndeshjeve të ndryshme duke u ulur në secilën kokë me rradhë kur zbrisni, ose mund të ndërtoni rampa deri në majë të tyre.

Koncerti Astronomical do të mbahet mes datave 23-25 prill. Epic i ka këshilluar lojtarët që të mblidhen te vendi 30 minuta përpara orarit të përcaktuar që të sigurohen që do të mund të zënë një vend.