Një sondazh zbulon hardware-in e preferuar të lojtarëve profesionistë të Fortnite
Një sondazh zbulon hardware-in e preferuar të lojtarëve profesionistë të Fortnite
Për lojtarët e Fortnite të cilët duan të përmirësojnë aftësitë e tyre në PC, pajisjet e mira padyshim që janë të nevojshme. Edhe pse ato nuk mund ta bëjnë një lojtar të dobët menjëherë një mjeshtër, padyshim që janë një hap në drejtimin e duhur.
Padyshim që hardware i mirë ndihmon me performancën. Për shëmbull, kufjet e reja të ndihmojnë të kuptosh më qartë se ku ndodhen kundërshtarët tuaj, ndërkohë që një mouse me butona ekstra ju lejon të ndërtoni më lehtë.
Nëse po kërkoni të bleni pajisje të reja, ja se çfarë hardware përdorin lojtarët më të mirë të Fortnite sipas një sondazhi.
Çuditërisht, Finalmouse Air58 Ninja është mouse-i më popullor për lojtarët e Fortnite, edhe pse shpesh nuk është i disponueshëm. Ky mouse shquhet pasi është fare i lehtë dhe mund të lëvizet pa vështirësi.
Për sa i përket tastierave, duket se është një zgjedhje mjaft më e vështirë, pasi 19% e lojtarëve përdorin kryesisht SteelSeries Apex Pro TKL, ndërkohë që 13% përdorin Logitech G Pro. E njëjta gjë dhe për sa i përket kufjeve, me ASTRO Gaming A40 dhe HyperX Cloud II në barazim me 12%.
Sipas këtij sondazhi, 72% e lojtarëve profesionistë të Fortnite përdorin një monitor 240Hz dhe ky është padyshim opsioni më i mirë. Një framerate i lartë ndihmon shumë në lojëra FPS dhe rezolucioni 4K nuk ka shumë rëndësi.