Tani që lojërat e kësaj jave janë të disponueshme për tu marrë falas në Epic Games Store, ka ardhur koha që të shohim se çfarë e ka rradhën për të qenë falas. Loja e ardhshme falas në Epic Games Store është zbuluar dhe është një lojë relaksuese e quajtur Wilmot’s Warehouse.
Nuk ju vëmë faj nëse e humbët këtë lojë vitin e shkuar, pasi nuk erdhi me ndonjë promovim të madh. Mos e lejoni që kjo t’u ndalojë gjithsesi, pasi Wilmot’s Warehouse paketon shumë gjera brenda asaj, që në pamje të parë të vjen si e thjeshtë.
Ju do të luani në rolin e Wilmot, që është një katror. Kjo gjë mund t’ju kujtojë pak Thomas Was Alone në fillim. Detyra juaj është që të menaxhoni një magazinë të madhe dhe të merrni vendime se ku do të vendosni gjërat, që të mund t’i gjeni më vonë kur të duhen sërish.
“Një lojë për njerëz që ju pëlqejnë të organizojnë gjëra,” lexon përshkrimi i saj dhe është e vërtetë. Wilmot’s Warehouse mund të jetë loja perfekte për të gjitha fansat e Marie Kondo. Çdo ditë fillon me një fazë organizimi, gjatë të cilës ju do të merrni porosi dhe do të organizoni kutitë si t’ju dojë qefi… Okay nuk është ndonjë GTA 5, por është falas prapëseprapë, më saktë do të jetë falas në Epic Games Store në datë 6 gusht.
Shikoni trailerin e saj më poshtë: