Mund të përkëdhelni një delfin, hehe
Mund të përkëdhelni një delfin, hehe
Expansion-i i rradhës për The Sims 4 ju çon që të jetoni jetën ishullore. Island Living e sjell të gjithë lojën në një ishull tropikal dhe bashkë me të sjell shumë aktivitete që normalisht do të bënit në një ambjent të tillë.
Sims-at do të mund të relaksohen dhe të shijojnë aktivitetet rekreacionale që rezorti i ishullit ofron. Mund të bëni banjo dielli, të peshkoni dhe të ngrini kala prej rëre. Sima-at gjithashtu mund të bëjnë party dhe të eksplorojnë ujërat në një Aqua-Zip(versioni i sims-ave për motorskafin). Sigurisht që krahas këtyre ka edhe shumë rroba të reja dhe opsione të reja flokësh, që sims-t tuaj të përshtaten më mirë me jetesën në ishull.
Me kalimin e kohës sims-at tuaj do të duhet të gjejnë një punë për të nxjerrë jetesën virtuale në atë ishull. Ata mund të bëhen rojtarë plazhi ose instruktorë noti.
Krahas këtyre, meqë Island Living ndodhet në një ishull tropikal, nuk mund të mungonte një vullkan aktiv së bashku me të. EA tha se disa Sims mund të jenë të guimshëm dhe ta ndërtojnë shtëpinë pranë tij, por herët a vonë ai do të shpërthejë.
Në Island Living do të mund të përkëdhelni një delfin dhe madje mund të krijoni edhe personazhin e një sirene.
The Sims 4: Island Living do të vijë në 21 qershor për PC dhe në 16 korrik për PS4 dhe Xbox One. Shikoni trailer-in e zbulimit më poshtë.