Nuk mund të mohojmë se në gjeneratën e tanishme Sony ia kaloi Microsoft me PlayStation 4, i cili ka shitur mbi 100 milion kopje, në krahasim me 40 milion të Xbox One.
Ish shefi i PlayStation America është shprehur se ky mund të mos jetë i njejti rast me konsolat e gjeneratës së ardhshme. Sado që Jack Trenton beson se Sony është në një vend shumë të mirë për momentin dhe mund të kalojë suksesin e PS4 te PS5, gjithashtu beson se edhe Microsoft dhe Xbox do të jenë konkurentë mjaft të mirë.
Më tej në deklaratën e tij, ai gjithashtu shtoi se në ditët e sotme Nintendo ka më shumë ndikim nga çfarë kishte në 2013n. Shtojmë këtu edhe njerëzit e Google me platformën e Stadia dhe sipas tij do të jetë një gjeneratë që do të vërë shumë hardware dhe software kokë më kokë me njëri-tjetrin.
“Mendoj se ndodhemi në një vend shumë të mirë për momentin,” tha Trenton. “Lideri i gjeneratës së tanishme është gjithmonë në pozicion të mirë për gjeneratën e ardhshme. Nga sa kam lexuar për parametrat e PlayStation 5, duket shumë mbreslënës. Gjithsesi mendoj se do të kemi më shumë konkurencë nga çfarë kishim herën e fundit.
Microsoft do të jetë një rival i fuqishëm, plus kemi dhe prezencën e Stadias tashmë në treg. Gjë kjo që nuk ekziszonte në 2013n. Edhe Nintendo ka më shumë prezencë tani. Tregu përgjithësisht do të jetë mjaft i vështirë. Mendoj se kjo do të jetë një gjë e mirë pasi do i përballi të gjithë për luftën e më të mirit, si edhe do i lërë në gadishmëri për çdo të papritur.”
Trenton ka punuar për Sony nga 1995 deri në 2014 dhe ka të drejtë në gjërat që thotë. Fakti që janë në krye të gjeneratës së tanishme e bën Sony të ketë edhe më shumë presion mbi kokë për PS5. Nëse do ia dalë Sony të dominojë sërish në fushën e gaming, këtë mbetet ta shohim.