Me paisje si iPhone XR dhe iPhone 11, Apple ka tentuar dhe ja ka dalë të sjellë disa nga veçoritë më të mira të një smartphone-i për një çmim të arsyeshëm. Kjo punë e rëndësishme vazhdon edhe me modelin e ri të iPhone SE, që Apple ka thënë se do të jetë i disponueshëm për tu porositur paraprakisht të premten e 17 prillit.
Ka shumë gjëra për të thënë, por iPhone SE ka qenë gjithmonë një telefon që përkufizohej nga çmimi, ndaj le të sqarojmë këtë fillimisht. Smartphone-i më i fundit i Apple është i disponueshëm në ngjyrë të zezë, të bardhë dhe të kuqe, me konfigurimet e mëposhtme të storage:
- 64GB: $399
- 128GB: $449
- 256GB: $549
Ja vlen të përmendim se modeli bazë i SE kushton $50 më pak se iPhone 8 që Apple ka ndaluar së prodhuari. Kjo e vë Apple në pozita të forta për të konkuruar në tregun e paisjeve mesatare, që është lajm shumë i mirë për fansat e iOS që nuk kanë shumë buxhet. Hera e fundit që Apple solli që produkt të ngjashëm ishte në 2016n me iPhone SE, një paisje që sillte performancën moderne të kohës në trupin e iPhone 5s.
Siç kanë sugjeruar shumë leaks, kjo përqasje nuk ka ndryshuar as për SE. Në shumë mënyra është praktikisht iPhone 11 i futur në trupin e iPhone 8. Sërish jemi duke punuar me një 4.7 inch Retina display, IP67 për rezistencën ndaj rërës dhe ujit, një sensor klasik Touch ID, karikim wireless dhe një kamerë nga mbrapa. Gjithsesi më e rëndësishmja është që do të mund të blini një iPhone të lirë me A13 Bionic chipset, modeli më i fundit i Apple. Ky është i njejti që përdoret edhe në iPhone 11, 11Pro dhe 11Pro Max.
Si zakonisht, Apple duket shumë e emocionuar për kamerën e iPhone SE: Është një kamerë 12 megapixel me një sensor standart, që ka ngjashmëri të shumtë me kamerat kryesore që përdoren në iPhone 11. Këtu nuk ka Night Mode, por do të keni Smart HDR dhe noise-reduction për të ndihmuar në shkrepjet me dritë të ulët. Gjithashtu nëse videot janë prioritet i lartë për ju, SE gjithashtu regjistron në 4K në 60 fps. Ndërkohë do të përdorni kamerën e përparme prej 7-megapixel për selfie.
Me pak fjalë iPhone SE mund të duket i dalë mode, por ka shumë veçori të forta brenda tij dhe një paketë opsionesh shumë të aksesueshme. Mbetet të presim dhe të shohim se si do të reagojë publiku dhe tregu ndaj këtij produkti.