Edhe Apple po futet në botën e ekraneve me refresh rate të lartë
Edhe Apple po futet në botën e ekraneve me refresh rate të lartë
Apple zbuloi këto ditë update-in iOS 14, i cili sjell widgets në home screen të smartphone-it tuaj. Ky është një prej ndryshimeve më të mëdha që home screen i iOS ka marrë prej vitesh. Megjithatë, duket se nuk ka vetëm ndryshime vizuale në këtë update. iOS 14 ka dhe një opsion Limit Frame Rate, i cili të bën të mendosh se Apple do të sjellë një ekran 120Hz me iPhone 12 Pro.
Ben Geskin foli në Twitter për këtë opsionë të cilin kishte arritur ta gjente në beta-n e iOS 14 dhe i lejonte përdoruesëve të limitonin frame rate të ekranit. Të vetmet pajisje Apple me ekran 120Hz janë modelet e iPad Pro, por ekzistenca e këtij opsioni të bën të mendosh se edhe iPhone 12 Pro do të ketë një ekran 120Hz.
Duke qënë se edhe modelet e fundit të iPhone kanë një ekran 60Hz, nuk ka sens që Apple ta sjellë këtë opsion për iPhone. Prandaj, mund të presupozojmë se iOS 14 në iPhone 12 Pro do t’i lejojë përdoruesit të limitojnë frame rate. Megjithatë, ky opsion nuk po shfaqet në çdo iPhone dhe ende nuk ka një konfirmim zyrtar nëse do të vijë në gjeneratën e ardhshme të iPhone.
Më herët është folur se një ekran 120Hz do të jetë ekskluziv për iPhone 12 Pro dhe iPhone 12 Pro Max, ndërkohë që modelet standarde të iPhone nuk do ta kenë atë. Ky opsion thjesht shton më shumë spekulimet, derisa të kemi një konfirmim zyrtar nga Apple.