iPhone 11 Pro ishte 28 sekonda më i ngadaltë
iPhone 11 Pro ishte 28 sekonda më i ngadaltë
iPhone 11 Pro ka brenda tij procesorin e fundit të Apple A13 Bionic dhe supozohet të ketë një rritje të madhe të performancës dhe efiçencës, gjë e cila do ta bëntë këtë telefon më të shpejtin në treg për momentin. Megjithatë, kjo gjë duket se nuk ka ndodhur, pasi speed test të iPhone 11 Pro janë zhgënjyes, edhe pse ende ka shpresë.
Speed test në lançimin e aplikacioneve janë padyshim disa prej videove më të ndjekura në YouTube dhe më poshtë do të shikoni një ku krahasohen pajisjet më të fundit të Apple. YouTuber-i EverythingApplePro vendos iPhone 11 Pro përballë smartphone-it të vjetshëm iPhone XS si dhe iPhone X. Në këtë test, një seri aplikacionesh të ndryshme për produktivitet, media sociale dhe lojëra hapen rradhazi. Në raundin e parë aplikacionet hapen për herë të parë për të testuar performancën reale të pajisjeve, ndërkohë që raundi i dytë tregon se sa prej këtyre aplikacioneve mund të përballohen nga RAM i smartphone-it.
Sa më shumë apps të ketë në background, aq më shpejt do të rihapen ato. Megjithatë, rezultatet e iPhone 11 Pro janë zhgënjyese, por ka një shpjegim dhe për to. Në raundin e parë, modeli më i fundit ishte 1 sekondë më i shpejtë se iPhone XS i vjetshëm, por zhgënjeu shumë në raundin e dytë.
Rezultatet finale janë si më poshtë:
iPhone 11 Pro ka të njëjtin RAM 4GB që ndodhet brenda iPhone XS, prandaj kjo diferencën e madhe midis dy pajisjeve duket e çuditshme. Megjithatë, ka shumë mundësi që problemi të jetë iOS 13 i Apple. Me shumë mundësi, lançimi i iOS 13.1 do të rregullojë këto probleme duke përmirësuar performancën e smartphone-it. Gjithashtu, aplikacioni i kamerës së iPhone 11 Pro mesa duket përdor më shumë RAM se versionet e mëparshme, gjë që padyshim ka ndikuar në rezultatet e iPhone 11 Pro.