Në 2017, krijuesi i Hitman dhe zhvilluesi IO Interactive i habitën të gjithë duke dalë nga hija e Square Enix, për t’i bërë gjërat në mënyrë të pavarur. Me të drejtat e Hitman në dorë, kompania vazhdoi përpara. Që nga ajo pikë IO Interactive ka punuar për të sjellë një eksperiencë të re, që do të vijë në 20 janar 2021. Hitman 3.
Zakonisht trailerat për seritë e Hitman tregojnë vendet e tij dhe japin një ide se sa komplekse do të jetë çdo shënjestër që do të duhet të vrisni. Gjithsesi, traileri i ri kinematik i shkund pak gjërat, duke prezantuar një fytyrë më familjare në seritë e Hitman: Lucas Grey. Siç duket edhe nga traileri, Agent 47 dhe Grey mund të shikohen së bashku duke luftuar pranë njëri-tjetrit, teksa ndajnë eksperiencat e vrasjeve të tyre.
Grey kthehet në Hitman 3, pasi ka luajtur rolin e antagonistit në Hitman 2. Me dy vrasës të tillë, organizata e njohur si Providence do jetë mjaft e zënë.
Shikojeni trailerin më poshtë: