Një firmë ligjore e bazuar në New York ka ngritur një padi nga ana e investorëve të CD Projekt SA. Padia nga Rosen Law Firm shkon për dëmet e atyre që investuan në projektin e CD Projekt Red mes 16 janarit 2020 dhe 17 dhjetorit 2020.
Kryesisht padia sugjeron se deklarata të rreme janë bërë për Cyberpunk 2077 dhe kapacitetin e lojës për tu luajtur në konsolat e gjeneratës së tanishme. Heqja e Cyberpunk 2077 nga PlayStation store dhe rimbursimet e ofruara nga Sony, Micrososft dhe vetë CD Projekt nuk është se e bënë më mirë situatën.
Ja vlen të përmendim se kjo padi është ngritur vetëm në gjykatat e SHBA. Që kjo padi të aktivizohet, duhet të miratohet një herë nga gjykata. Rowsen Law Firm, që e ka marrë këtë përsipër, është një firmë ligjore internacionale që përqëndrohet në paditë kundër bizneseve nga ana e aksionerëve.
Mbetet të presim dhe të shohim se si do të evoluojë kjo padi dhe nëse do të sjellë dëme të konsiderueshme për CD Projekt ose jo.