Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Twitch blen IGDB për të përmirësuar shërbimet e tyre
Nëse dëshironi të gjeni detajet mbi një videolojë të caktuar, IGDB sjell në një vend të gjithë informacion e rëndësishëm mbi një lojë. Tashmë Twitch është pronari i IGDB dhe ka për qëllim ta përdorë atë për të përmirësuar rezultatet e kërkimeve në faqe.
Sipas një raporti, Twitch e bleu databazën e fokosuar në gaming me qëllim për të përmirësuar shërbimet e veta të kërkimit. IGDB ka ekzistuar që prej 2015 dhe ju ofron gjithçka që doni të dini për një lojë në një përmbledhje në një faqe. Kjo përfshin emrin, publikuesin, datën e lançimin, zhanrin, mode-t, tematikat, vlerësimin e moshës, platformat, trailer-in, historinë, review-t si dhe rekomandime për lojëra të tjera të ngjashme.
Duke folur për këtë blerje, një zëdhënës i Twitch shpjegoi: “Miliona njerëz vijnë në Twitch çdo ditë për të zbuluar dhe për t’u lidhur me streamer-at e tyre të preferuar në mbarë botën dhe ne duam që ta bëjmë më të lehtë që njerëzit të gjejnë atë që dëshirojnë… IGDB ka krijuar një databazë përmbledhëse mbi gaming dhe ne jemi entuziastë për t’i marrë ata për të na ndihmuar të rrisim dhe të përmirësojmë kërkimet në Twitch.”
Lajmi i mirë për vizitorët e rregullt të IGDB është se Twitch nuk ka asnjë plan për të mbyllur faqen e internetit, por thjesht do të përfitojë nga informacioni që ata janë duke mbledhur. Shpresojmë që ky vizion nuk do të ndryshojë për Twitch dhe kompaninë e tyre mëmë Amazon. Nëse nuk e dini, Amazon ka blerë gjithashtu një faqe të ngjashme në 1998 të quajtur IMDb e cila vazhdon të ekzistojë, gjë që është shumë e mirë për IGDB.
IGDB fitonte para duke ofruar shërbimet e saj të API me një tier premium, por me këtë blerje API do të ekzistojë sërish, por tashmë falas. Besojmë se Twitch do të integrojë lehtësisht informacionin e mbledhur nga IGDB në aplikacionin e ri streaming të kompanisë duke e bërë shumë më të lehtë për streamers që të promovojnë stream-in e tyre.
