Inteligjencat artificiale (AI) nuk mund të krijojnë patenta

Inteligjenca artificiale (AI) nuk mund të jetë shpikësi i patentave të reja, ka vendosur Gjykata e Apelit në Mbretërinë e Bashkuar. Patentat i caktojnë pronësinë e një shpikjeje të re krijuesit të saj. Me pak fjalë, debati është nëse një ligj i shkruar për shpikësit njerëzorë mund të zbatohet për makinat.

Gjykata e apelit vendosi kundër Stephen Thaler, krijuesit të një sistemi të quajtur Dabus, i cili ngriti një çështje kundër Zyrës së Pronësisë Intelektuale në Mbretërinë e Bashkuar (IPO) e cila refuzoi patentat për AI -në e tij.

Është gjykimi i fundit i tillë në një betejë të gjatë për t’i dhënë makinave statusin e shpikësit. Në fillim të këtij muaji, Thaler humbi një rast të ngjashëm në Shtetet e Bashkuara – megjithëse ai ka fituar diku tjetër.

Thaler paraqiti dy aplikime për patentë në 2018, një për një lloj ene ushqimi dhe një për një dritë që ndizet. Por ai nuk e renditi veten si shpikës. Në vend të kësaj, ai zgjodhi të rendiste Dabus, duke argumentuar se atij duhet t’i jepej patenta, “nga pronësia e makinës krijuese” – ndërsa bëri të qartë se Dabus, jo ai, ishte shpikësi.

IPO i tha Thaler se ai duhej të rendiste një person real si shpikës – diçka që ai nuk e bëri, dhe IPO vendosi që aplikimi ishte tërhequr. Thaler e çoi çështjen në Gjykatën e Lartë, ku humbi, dhe më tej në Gjykatën e Apelit.