Kjo mund të sjellë një zgjidhje për personat e paralizuar.
Kjo mund të sjellë një zgjidhje për personat e paralizuar.
Përdorimi i AI (inteligjencës artificiale) në mjekësi së shpejti mund të arrijë të zgjidhë një nga sfidat më të mëdha mjekësore: të sjellurin e lëvizjes në personat e paralizuar.
Intel dhe Brown University kanë filluar punën në një projekt Intelligent Spine Interface të mbështetur nga DARPA. Ideja është që përmes përdorimit të AI të rifitohet lëvizja muskulare dhe kontrolli i fshikëzës së urinës për individët me probleme të rënda të shtyllës kurrizore.
Projekti dy vjeçar do i vërë shkencëtarët në punë për të kapur sinjalet motorike të shtyllës kurrizore, teksa kirurgët do të implementojnë elektroda në të dyja anët e një dëmtimi për të krijuar të ashtëquajturin “bypass inteligjent”. Nga ajo pikë nervat e lidhura me Intel do të mësojnë të komunikojnë komandat motorike përmes bypass-it, duke restauruar kështu funksionet e dëmtuara.
Fillimisht do të përdoren pjesë të ndryshme të hardware-it për të interpretuar sinjalet e shtyllës kurrizore. Në terma afatgjatë pastaj do të tentohet një sistem i plotë dhe unik për ta bërë lidhjen.
Deri më tani i gjithë projekti qëndron në teori dhe nuk ka asnjë garanci që produkti përfundimtar do të japë një zgjidhje për përhershme ndaj problemeve të paralizës. Gjithsesi është e sigurt që do të hedhë hapa në drejtimin e duhur përsa i përket eksplorimit të mëtejshëm të trajtimit të problemeve shpinore.