Infinity Ward zbulon kur do të vijë update i rradhës në Modern Warfare

Update i ardhshëm i madh për Call of Duty: Modern Warfare është fare afër

Modern Warfare ka marrë vlerësime të përziera që prej lançimit të tij. Edhe pse është sipas Activision Call of Duty më i luajtur prej kohësh, ka patur disa probleme që janë dashur të adresohen që prej lançimit të lojës në tetor.

Me të gjithë sytë që i janë drejtuar tashmë Modern Warfare të Infinity Ward, zhvilluesit padyshim që duan ta prezantojnë lojën në mënyrën më të mirë në update-in e ardhshëm.

Një prej problemeve që kanë acaruar më shumë lojtarët profesionistë ka qënë exploit-i i slide-cancel, të cilin Infinity Ward ka premtuar ta rregullojë në të ardhmen. Megjithatë, deri më tani nuk ka patur asnjë datë zyrtarë.

Por, më në fund ka dritë në fund të tunelit, pasi në update-in e komunitetit të 17 janarit, zhvilluesit zbuluan se janë duke punuar në një update i cili pritet të vijë në të gjitha platformat javën e ardhshme.

Për më tepër, lojtari profesionist i Call of Duty Rhys “Rated” Price zbuloi se një patch për slide-cancel në Modern Warfare do të vijë në 22 janar, dy ditë përpara nisjes së Call of Duty League.

Duke marë parasysh gjithçka, duket se qëllimi i Infinity Ward është që ky update i madh të vijë në 22 janar. Ka kaluar thuajse një muaj që prej update-it të fundit të madh për Modern Warfare dhe duke parë zgjatjen e Season 1 deri në shkurt, disa fansa janë të pakënaqur për mungesën e updates.

Përveç slide-cancel, pritet që Infinity Ward të rregullojë edhe disa probleme të tjera që janë vënë re në Modern Warfare.