Huawei ka treguar superioritet me modelet P40, P40 Pro dhe P40 Pro+, mbi të gjitha kur vjen puna te kamera. Në fakt mund të mos e keni vënë re, por të treja modelet përfshijnë sensorin më të madh të kamerës të parë ndonjëherë në një smartphone.
Seritë P40 të Huawei kanë sensor kamere më të madh se ai që ndodhet momentalisht në Galaxy S20 Ultra
Protagonisti i shfaqjes është sensori primar 1/1.28-inch, 50MP F1.9. Sa më e madhe të jetë masa e sensorit, aq më shumë dritë mund të hyjë në të, duke sjellë përmirësim masiv në cilësinë e imazhit. I vetmi sensor tjetër që i afrohet kësaj madhësie është ai që ndodhet në Galaxy S20 Ultra.
Masa e këtij të fundit është 1/1.33 inches, por ai nuk është i disponueshëm në modelet më të lira të Galaxy S20. Te Huawei të treja modelet e kanë sensorin në fjalë. Ky është një hap i shkëlqyer nga ana e kompanisë. Detajet për kamerat prezente në P40, P40 Pro dhe P40 Pro+ gjenden më poshtë:
- P40 – 3 kamera: wide, ultrawide, and 3x telephoto.
- P40 Pro – 4 kamera: wide, ultrawide, 5x telephoto dhe ToF.
- P40 Pro+ – 5 kamera: wide, ultrawide, 3x telephoto, 10x telephoto dhe ToF.