Duket se ditët e Sony që sillte lojëra ekskluzive për PlayStation mund të jenë të numëruara. Një raportim i ri përforcon thashethemet e vjetra se sci-fi i Guerilla Games, Horizon: Zero Dawn do të vijë në PC në 2020ën. Sado që Sony në një farë mënyre ka lançuar ekskluzive të PS4 në PC përmes PlayStation Now në të kaluarën, Horizon do të jetë narrativa e parë që vjen mirfilli në PC.
Horizon Zero Dawn do të lançohet në PC në 2020ën, i kanë thënë tre burime anonime brenda Sony, Jason Schreier të Kotaku. Loja pritet të lançohet edhe në Steam edhe në Epic Games Store.
Zhvilluesi Guerilla Games është nën pronësinë e Sony, gjë që e bën Horizon PC pak më ndryshme nga lojëra të tjera PS4 si Death Stranding ose Detroit: Become Human, që janë bërë nga studio jo nën pronësinë e Sony.
Sony ende nuk e ka konfirmuar një version PC të Horizon, por kur nuk ka dalë ndonjëherë i vërtetë një lajm i Jason Schreier? E dimë se Sony nuk do të jetë në E3 2020 as këtë vit, por pritet që kompania të gjejë një tjetër vend për ta bërë zyrtar këtë njoftim.