Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Në stadium do të zhvillohen 75 evente gjatë vitit të hapjes
Në Europë, ka shumë vënde ku esports janë bërë tashmë pjesë e kulturës së këtyre vëndeve, siç janë Anglia, Gjermania dhe Franca… por Hollanda nuk është një prej tyre. Megjithatë, kultura e esports në Hollandë është shumë e zhvilluar dhe fansat janë të shumtë, gjë që sjell dhe një kërkesë të lartë për të patur infrastrukturë të esports.
Në një tentativë për të konkurruar me vënde të tjera të Europës, Hollanda do të hapë një stadium esports në Amsterdam në fund të 2020.
Rabo Esports Stadium Amsterdam, i cili do të ketë në përbërjen e tij godina të vjetra shkollash dhe ambientesh sportive, do të jetë një qëndër për esports, gaming dhe teknologjinë në përgjithësi. Kompleksi do të ketë një sipërfaqe prej 10,000 metrash katrorë dhe sponsorizohet nga Rabobank dhe H20 Esports.
Dirk Tuip, një prej themeluesëve të H20 Esports tha: “Me H20, ne kemi realizuar një ëndër për të cilën kemi vite që punojmë. H20 Esports dëshrion të krijojë një ekosistem për zhvillimin e gjeneratave të ardhshme nëpërmjet gaming, esports dhe teknologjisë krijuese. Tregu i esports është rritur, gjë të cilën e kanë vënë re si fëmijët ashtu dhe të rriturit. Gamers, lojtarët e esports dhe influencers janë ata që do të zhvillojnë të ardhmen.”
Shumë vënde kanë filluar të investojnë në gaming kompetitiv duke krijuar forma të ndryshme të arenave të esport-it. Duke parë që Overwatch League, por edhe Call of Duty League që pritet të nisë së shpejti do të përdorin një sistem ku çdo skuadër përfaqëson një qytet, pritet që shumë shtete në botë të fillojnë të ndërtojnë së shpejti arenat dhe stadiumet e tyre për esports.
Edhe pse stadiumi nuk është ndërtuar akoma, raportohet se ai ka rreth 75 evente që do të zhvillohen në Rabo Esports Stadium Amsterdam gjatë vitit të ardhshëm. H20 Esports premtoi se ky stadium nuk do të jetë as i pari dhe as i fundit i llojit të vet në Hollandë, pra në të ardhmen shumë më shumë ndërtime të kësaj forme do të vijnë. Një lajm vërtet emocionues apo jo?
