Hogwarts Legacy do të jetë open world dhe do të vijë për PS5, Xbox Series X dhe PC
Hogwarts Legacy do të jetë open world dhe do të vijë për PS5, Xbox Series X dhe PC
Loja më e re Harry Potter e quajtur Hogwarts Legacy do të vijë vitin që vjen në platformat si PC, Xbox Series X dhe PlayStation 5. Loja u prezantua nga Warner Bros. gjatë livestream të Sony për prezantimin e çmimit të PS5. Loja po zhvillohet nga Avalanche Software dhe do të publikohet nga The Portkey Games.
Ngjarjet do të vendosen gjatë viteve 1800 në shkollën ikonike Hogwarts të serisë së librave Harry Potter. Lojtarët nuk do të luajnë ndonjë nga personazhet të cilët ata njohin nga seria e librave por do të krijojnë karakterin e tyre. Gjatë kohës që lojtarët do të kalojnë në Hogwarts ata do të përfshihem në aktiviteti që kanë lidhje me magjinë dhe do të mësojnë më shumë rreth saj.
Në një njoftim të bërë nga Warner Bros. , ata e përshkruajnë Hogwarts Legacy si një lojë open-world, single-player dhe aksion RPG të vendosur në botën e magjisë të viteve 1800 ku lojtarët do të përjetojnë një jetë si një student i shkollës Hogwarts ku do të mësojnë rreth magjisë dhe artit të saj, do të zbulojnë të vërtetat e fshehta dhe do të ndërmarrin udhëtime të rrezikshme. Lojtarët do të përmirësojnë aftësitë e tyre magjike duke mjeshtëruar magji të ndryshme, të krijojnë potions dhe të zbusin “fantastic beasts”.
Loja është zbulur që në 2018 nga një leak masiv i cili fliste për një lojë open-world e vendosur në universin Harry Potter. Warner Bros. konfirmoi se loja do të vijë gjatë 2021 në PC, PS5, PS4, Xbox One dhe Xbox Series X / S. Kompania e cila po bën zhvillimin e lojës, Avalanche është shprehur se The Portkey Games iu ka dhënë një mundësi unike për të rikthyer Hogwarts gjatë një kohe tjetër. Diskutimet midis fansave kanë nisur rreth çfarë do të sjellë kjo lojë por akoma asgjë nuk është zbuluar.