Hitman: Absolution është falas në GOG

Loja më e keqe e Hitman mund të bëhet e juaja falas.

Hitman: Absolution mund të jetë tashmë në librarinë tuaj pa patur nevojën që të paguani absolutisht asgjë. GOG po jep falas lojën më pak popullore të Agent 47, për tre ditët në vijim.

Njoftimi i Hitman 3 mund t’ju ketë sjellë dëshirën për një aventurë të ngjashme që t’ju mbajë shoqëri derisa loja të dalë tamam në janar dhe besojmë se ka lojëra edhe më të këaqia stealth që mund të zgjidhni. Problemi i Absolution është se në një farë mënyre, IO Interactive harroi përkohësisht se përse njerëzit e donin Blood Money.

Në vend që të ngrihej mbi lojën e saj më të mirë, zhvilluesi u fokusua në anën kinematike dhe në një histori që linte goxha për të dëshiruar. Më e keqja ishte se hoqi misionet open sandbox, duke i veçuar ato në zona të veçanta, që shpesh e shpaloseshin me skenar.

Gjithsesi kurrë nuk i thuhet jo një loje falas, ndaj klikoni linkun këtu për ta marrë falas në GOG.