Hitman 3 do të vijë në janar

Ecuria nga Hitman 2 do të vazhdojë në lojën e re.

Agent 47 bëri rikthimin e tij në eventin e PlayStation 5 që mbajti Sony mbrëmë, duke zbuluar zyrtarisht ardhjen e Hitman 3.

“Siç fansat e Hitman mund ta dinë, lojërat dhe vendndodhjet tona gjithmonë ndërtohen duke patur në mendje zgjedhjet e lojtarëve dhe ri-luajtshmërinë e saj. Hitman 3 nuk bën përjashtim nga kjo,” tha menaxheri i komunitetit të IO Interactive, Travis Barbour, në PlayStation Blog.

“Në fakt loja jonë e ardhshme i inkurajon lojtarët që të eksplorojnë dhe të ndërveprojnë me botën e lojës në mënyra të reja që do i shpërblejnë në vazhdimësi. Duam që loja të jetë taktike dhe duam që lojtarët të ndjejnë që veprimet e tyre lënë një impakt në atë që po ndodh rreth e qark tyre dhe mjediseve që i rrethojnë.”

Barbour gjithashtu tha se vendndodhjet dhe progresi i bërë nga Hitman 2 do të vazhdojë edhe në lojën e tretë dhe se e gjithë trilogjia e Hitman do të mund të luhet në Hitman 3. Ai nuk zbuloi shumë detaje duke thënë vetëm se: “Jemi shumë krenarë që do të kemi të gjithë trilogjinë të luajtshme brenda Hitman 3.” 

Gjasat janë që kjo do të jetë diçka e ngjashme me Legacy Pack DLC, që dolli misione të update-uara të Hitman në Hitman 2.

Ishte interesante, sepse pasi eventi i PS5 mbaroi, zhvilluesi IO Interavtive postoi një tjetër trailer, që mund ta shikoni edhe më poshtë. Këtë rradhë duket se Agent 47 është në shumë telashe.

Hitman 3 do të vijë në janar të 2021.