Rebooti i God of War në 2018n, jo vetëm që ishte një nga lojërat më të mira PS4 të vitit, por është ende një nga lojërat më të mira që mund të luani në të gjithë konsolat e PlayStation. Sado që performanca e aksionit dhe grafikat mund të mos jenë të parat në krahasim me disa lojëra të tjera, ishte historia e lojës ajo që i mahniti fansat dhe la një impakt të gjatë te to. Mund të themi me plot gojën se të gjithë janë duke e pritur me padurim vazhdimin e garantuar të lojës. Është Cory Barlog ai që do të marrë përsipër historinë e lojës dhe zhvillimin e personazhit të Kratos këtë rradhë.
Nëse jeni një nga ata gamers që zgjoheni çdo ditë dhe luteni për lajme mbi vazhdimin e lojës, sot është dita juaj me fat. Së fundmi, regjizori i sipërpërmendur foli me PlayStation Access për të gjitha gjërat rreth God of War dhe Kratos. Gjatë bisedimit të tyre, Barlog hodhi shenja drejt një pjese të historisë që mund të eksplorojë vazhdimi i lojës.
Sipas Barlog, ai është i interesuar në eksplorimin e relatave mes Kratos dhe gruas së tij Faye. Specifikisht, mënyra se si ata u takuan dhe lidhja që pasoi më vonë. Gjithsesi, Barlog sugjeron se përpara se të eksploronte lidhjen e tyre, ai donte që lojtarët ta dinin se çfarë ndodhte më pas.
“Historia e takimit të Faye dhe Kratos, ka më pak presion kur nuk e di se çfarë do të ndodhë apo jo? Takimi me të duhet të ndjehet si diçka që ti tashmë e di për historinë që ne kemi treguar këtu, ndaj ka një peshë më të madhe pas personazhit të saj. Ajo ndërtoi një mitologji të tërë.”
Siç mund të kuptohet, Barlog nuk thotë menjëherë se lojërat e ardhshme të God of War do të eksplorojnë relatat e Faye dhe Kratos, por ai e sugjeron shumë këtë si pjesë e planeve të tij.
Momentalisht nuk ka patur ende asnjë njoftim zyrtar për vazhdimin e God of War, që me shumë mundësi është ende vite larg. Gjithsesi nëse vazhdimi do të jetë aq i mirë sa i pari, atëherë ja vlen të presim.