Hidhini një sy redesign-it të ardhshëm që do të ketë Steam

Ridizenjimi i Steam ka qenë diçka vërtet e pashmangshme. Ai ka qenë në përdorim për kaq shumë vite dhe një pamje e re dihej që do të vinte herët a vonë. Zhvilluesi ka qenë në përpunim të tij për disa vite, por deri tani kemi patur mundësi t’ia hedhim vetëm një herë sytë.

Kjo ka ndodhur në 2017, kur imazhet u zbuluan në versionin beta të klientit. Gjithsesi gjatë fundjavës zhvilluesi i SteamDB, Pavel Djundik postoi në Twitter një imazh nën shkrimin “Nga një prezantim në janar.”. Shikojeni postimin më poshtë:

Duhet cilësuar se këto imazhe duken komplet ndryshe nga ato që kemi parë në 2017. Ato e tregonin Steam gati të ngjashëm me atë që ishte. Duke marrë parasysh se kanë kaluar gjithë ato muaj që nga prezantimi i përmendur në Twitter, probabiliteti që të jenë bërë ndryshime të tjera në design është mjaft i lartë.

Nuk ka patur ende një koment zyrtar mbi situatën, ndaj me shumë mundësi do na duhet të presim për të parë produktin përfundimtar.