12 ekipe janë gati për të shkruar historinë
12 ekipe janë gati për të shkruar historinë
Riot Games ka zbuluar më në fund të gjitha grupet për fazën e grupeve të League of Legends World Championship 2019 dhe padyshim që ato janë mjaft të nxehta dhe interesante.
Group A është mjaft i vështirë. Cloud9 nga Amerika e Veriut do të përballet me superfuqinë europiane G2 Esports dhe ekipin në vazon e dytë të Koresë Griffin. Cloud9 njihet nga të gjithë fansat e League of Legends si një ekip që i surprizon vazhdimisht kundërshtarët në fazën e grupeve, ndërkohë që G2 dhe Griffin janë dy prej ekipeve më të forta në tournamentin e këtij viti.
Grupi B në anën tjetër duke mjaft i lehtë për FunPlus Phoenix nga Kina, të cilët janë vendosur përballë J Team nga LMS dhe Gigabyte Marines nga VCS. FPX ishin shumë dominantë gjatë 2019 LPL Summer Split, duke humbur vetëm 3 ndeshje gjatë gjithë sezonit, përfshirë këtu dhe playoff.
Shumë njerëz e konsiderojnë Grupin C si grupin e hekurt të këtij Worlds, pasi në të gjenden kampionët e përhershëm të SK Telecom T1, ekipi europian në vazon e dytë Fnatic dhe Royal Never Give Up nga Kina. Të treja këto ekipe kanë qënë shumë të forta sivjet dhe padyshim që do të sjellin disa prej ndeshjeve më interesante të këtij tournamenti.
Si përfundim, Grupi D i jep shpresë fansave të NA. Team Liquid janë së bashku në një grup me kampionët e botës Invictus Gaming që janë në rënie dhe AHQ Esports Club. Liquid u ndesh për herë të fundit me IG në Mid-Season Invitational këtë vit dhe arritën ta mundnin ekipin kinez në 4 ndeshje. A do të jetë ky viti ku më në fund Yiliang “Doublelift” Peng dhe ekipi i tij kalojnë fazën e grupeve të Worlds?
Worlds 2019 do të nisë të mërkurën, më 2 tetor, me fazën kualifikuese në Berlin.