Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Hidhen poshtë zërat e sapo-përhapur për Call of Duty: Infinite Warfare 2. A është Modern Warfare 4 në horizont?
Call of Duty: Infinte Warfare ishte loja më e shitur e 2016, por mesa duket nuk do të ketë një pasardhëse për lojën e cila zhgënjeu shumë nga fansat e serisë. Robert Bowling, ish-zhvillues i Call of Duty shkroi në Twitter që “ju nuk do të merrni kurrë Infinte Warfare 2“. Gjithashtu, Bowling konfirmoi se “ju do të marrim një shooter modern këtë vit, mos u shqetësoni” por ai nuk specifikoi nëse po i referohej serisë Call of Duty. Megjithatë, fansat mendojnë se bëhet fjalë për Call of Duty: Modern Warfare 4.
Infinte Warfare është një shooter fantastiko-shkencor dhe duke parë futurizmin që ka përfshirë lojërat më popullore shooter të momentit, një MW4 në kohët moderne do të ishte i mirëpritur nga fansat e COD. Duke parë se Call of Duty: Black Ops 4 është prioriteti kryesor i Activision, zërat për një Modern Warfare 4 duket se gjithashtu premtojnë rikthimin e single-player. Në janar, lista e punësimit të Infinity Ward dukej se sugjeronte një single player mode, si dhe përmendej shumë teknologji e gjeneratës së re.
Modern Warfare 3 ishte loja e fundit Call of Duty në të cilën Bowling ishte përfshirë, para se të linte Infinity Ward. Me shuarjen e zërave për Infinity War 2, fansat duket se do të rikthehen mbrapa në kohë me Call of Duty: Modern Warfare 4. Gjithashtu, priten risi dhe veçori të reja në një lojë të mundshme MW4.
Informacionet tregojnë se po punohet për një campaign dhe gjithashtu multiplayer, si dhe rikthimin e Zombies mode. Ato gjithashtu thonë se po diskutohet një mode battle royale për Modern Warfare 4, por në këtë pikë ishte ende në fazë diskutimi. Duke parë suksesin e Blackout, duket se Modern Warfare 4 do të ketë një mode të tillë, me harta nga Modern Warfare të mëparshëm. Duke parë popullaritetin e Modern Warfare 2 me fansat, ky battle royale do të ishte vërtetë një konkurrent i fortë në luftën për popullaritet.
Informacionet e mësipërme gjithashtu vijnë në një periudhë interesante, kur shumë nga zhvilluesit të cilët lanë Infinity Ward për Respawn po rikthehen. Kjo shton mundësinë e një Call of Duty: Modern Warfare 4.
