Hideo Kojima tregon konceptin e tij të rradhës

Me lançimin e Death Stranding, ka ardhur koha të krijohet një projekt i ri.

Projekti më i fundit i Kojima është tashmë në duart tona, të paktën për ata që kanë PS4, ende pritet lançimi në PC. Gjithsesi, ka ardhur koha që të shohim drejt projektit të rradhës së regjizorit. Kojima tashmë ka hedhur disa të dhëna mbi hapin e tij të rradhës dhe një tweet i ri i ka bërë gjërat edhe më misterioze.

“Duke punuar me konceptin e rradhës, me zyrën bosh.” thotë Kojima në tweet, që vjen bashkë me një foto të tavolinës së tij. Ambjenti i punës është i mbushur me disa objekte të rastësishme, që janë vendosur aty kastile për të ndezur më shumë spekulim.

Mos i kushtoni shumë rëndësi imazhit në desktop, sepse është thjesht një nga wallpapers e macOS. Përtej asaj është një mbajtëse letrash me Rotten Tomatoes, Sony Walkman, një botim të Wired, një rosak gome dhe ajo që duket si fytyra e Norman Reedus në allçi.

Kojima kisht postuar më parë planet e tij për të “krijuar lojën më të frikshme horror”. Një lëvizje mëse e natyrshme kjo pas vdekjes së PT dhe Silent Hill. Kojima gjithashtu ka shprehur interes në lojërat open-world, që pas MGSV. Gjithsesi, kini parasysh që ka shumë shumë shumë rrugë përpara se të shohim konkretisht një lojë tjetër të Kojima në duart tona.