Kojima Productions është duke planifikuar shumë projekte.
Kojima Productions është duke planifikuar shumë projekte.
Në botimin e fundit të Famitsu, Hideo Kojima dhe Yoji Shinkawa nga Kojima Productions na çuan në një rrugëtim nostalgjik përsa i përket zhvillimit të Death Stranding, por ata gjithashtu shfrytëzuan një pjesë të kohës për të folur për disa prej ideve dhe drejtimeve të mundshme që mund të marrë studioja tashmë që loja e parë e saj është në treg.
Kojima përmendi se ai do të ishte i interesuar të provonte dorën me lojëra më të vogla ose episodike, ndryshme nga ato që duan sasi masive kohore, si me rastin e Death Stranding. Udhëtimi i Sam përgjatë Amerikës është shumë tërheqës, por jo të gjithë kanë 70 orë për ta bërë, ndaj do të ishte shumë interesante të shikonim Kojima Productions me një lojë që nuk të kërkon ti bësh pause jetës personale që ta luash.
Kojima tashmë ka eksperimetuar me këtë kur na demonstroi Phantom Pain, përmes prologut të saj Ground Zeroes. E gjithë kjo zhvillohet në një vendndodhje të vetme, një kamp në Kuba, përgjatë një nate. Sado që ishte shumë më e vogël, lidhej shumë mirë me dy MGS e para dhe ndonjëherë të vjen si loja me stealthin më të pastër nga e gjithë tufa.
Studioja ka në plan të merret me disa projekte lojërsh, përfshirë këtu një tjetër lojë të madhe. Kojima përmendi se ai do të donte të bënte një lojë me më shumë mecha, duke qenë se ky është edhe specialiteti i Shinkawa si një artist. Jashtë lojërave, dyshja tha se ishte e interesuar të provonte dorën me manga.
Death Stranding është momentalisht eksluzive vetëm për PS4, por këtë verë pritet që të vijë në PC.