Një bashkëpunim midis dy krijuesëve japonezë do të ishte fantastik.
Një bashkëpunim midis dy krijuesëve japonezë do të ishte fantastik.
Nuk e dimë ende se si do të jetë loja e re e Hideo Kojima, por thuhet se ajo do të jetë diçka horror. Artisti i njohur i mangave horror Junji Ito tha se zhvilluesi i Death Stranding foli me të për një lojë të ardhshme.
Gjatë një interviste për Comic-Con 2020, Ito tha se ai dhe Kojima kishin folur, por nuk dha detaje të mëtejshme. Ai tha se Kojima mund të ketë një lojë të re horror me të cilën mund të jetë duke punuar, por ende nuk ka asnjë detaj të mirëfilltë.
Fakti që Ito ka përdorur fjalën “mund” dy herë na bën të mendojmë se Kojima ka një ide për një lojë horror dhe Ito është një prej personave që ai ka në planë të marrë për të punuar në këtë projekt. Junji Ito është një prej artistëve më të vlerësuar të mangave moderne. Disa prej punëve të tij më të mira janë Uzumaki, e cila është rreth një qyteti të vogël të pushtuar nga shpirtra të mbinatyrshëm dhe Tomie, e cila është reth një vajze të vogël që ka fuqi të bëjë këdo të dhunshëm.
Tweet-et e fundit të Kojima të bëjnë të mendosh se ai po punon për Death Stranding 2. Ai ka thënë se ka filluar të punojë për një lojë të re pak pas lançimit të Death Stranding vitin e kaluar dhe shumë menduan se ai po punon për Silent Hill. Më herët, ai po punonte me Guillermo Del Toro dhe Norman Reedus për Silent Hills, e cila gjithashtu solli edhe teaser-in P.T. Kjo bëri që hype rreth një projekti horror të Kojima të rritej.