Hideo Kojima hedh shenja drejt trailer-it të ri të Death Stranding

Traileri mund të zgjasë rreth 8 minuta

Ka kaluar pak kohë që kur kemi dëgjuar diçka për lojën e ardhshme të Hideo Kojima, Death Stranding, por duket se diçka po pregatitet momentalisht për të.

Sot, krijuesi legjendar i lojërave postoi një foto në Twitter të trailerit të ardhshëm të lojës. Fillimisht në foto mund të shikohej totali i kohëzgjatjes, por më vonë Kojima e hoqi foton dhe postoi një tjetër ku pjesa e kohëzgjatjes nuk mund të shihej. Sipas fotos së parë traileri do të zgjasë rreth 8 minuta, pra do të ketë brenda tij edhe gameplay.

Death Stranding është momentalisht një lojë ekskluzive për PS4. Me mungesën e Sony këtë vit në E3, do të jetë interesante të shohim se si do të publikohet trailer-i.

Loja në fakt ka kohë që është njoftuar, por ende nuk dimë shumë gjëra rreth saj. Sipas Iain Cook, anëtar i bandës Skoceze CHVRCHES, loja do të jetë ndryshe nga çdo gjë që kemi parë deri tani. Le të shpresojmë që të zbulojmë më shumë së shpejti.