Pas lançimit të Days Gone, Death Stranding është loja që të gjithë mezi po e presin të vijë në PlayStation. Kojima vetë në fakt nuk i ka lenë mangut të gjithë teaser-at rreth saj. Kur marrim parasysh një postim të mëparshëm të zhvilluesit si edhe faktin se së shpejti do të kemi një tjetër State of Play nga PlayStation, është e sigurt që një lloj trailer-i ose gameplay do të zbulohet për lojën.
Kojima ka postuar tre herë në Twitter, imazhe në të cilat tregohet loja. Në të gjitha rastet ekrani është bërë blur, sepse fotoja është fokusuar në një objekt tjetër,(versioni miniaturë i vetë Kojimës në fakt). Në imazhin e parë shohim në cepin e djathtë shohim personazhin kyç të lojës. Fotoja e dytë është edhe më enigmatikja pastaj, sepse duket të paraqesë diçka që ende nuk është zbuluar rreth lojës ose mënyrës se si ajo funksionon dhe fotoja e tretë pastaj na tregon protagonistin e Death Stranding në një livadh të gjelbër.
Imazhet janë shumë të ngjashme me pamjet që kemi parë në trailerin e E3 2018. Në fotot e Kojimës shohim edhe një levë DualShock 4. Kjo e fundit nënkupton që mendja pjellore pas lojërave si Metal Gear Solid dhe The Phantom Pain ka qenë duke e luajtur Death Stranding. Më poshtë do të gjeni të treja postimet që po i referoheshim.