Më të frikshme se P.T.?
Më të frikshme se P.T.?
Death Stranding e Kojima Productions u lançua në PlayStation 4 këtë muaj, duke shënuar një epokë të re për Hideo Kojima, katër vite pasi ai u shkëput nga Konami.
Përpara Death Stranding, Kojima po punonte në një lojë të re Silent Hill të quajtur Silent Hills. Një demo u publikua për lojën, P.T., por Konami e anulloi zhvillimin e mëtejshëm të saj. Vite më vonë, duket se Kojima i është kthyer ideve të horrorit.
Kojima së fundmi bëri një referencë në Twitter se do të bënte “lojën më të frikshme horror ndonjëherë” dhe për tu përgatitur për këtë, ai po sheh filma horror. Filmi në fjalë, The Eye, nuk është në fakt një film Tailandez, por është puna e vëllezërve Pang, nga Hong Kongu. Sidoqoftë një pjesë e ngjarjeve zhvillohen në Tailandë.
As to make the scariest horror game, I’ll watch the scary movies in order to awaken my horror soul. THE EYE is the Thai horror movie I rent when making PT but was too scary to finish watching. The package is scary so I rented the disc only. Will I be able to finish watching? pic.twitter.com/BVwPruUAvt
— HIDEO_KOJIMA (@HIDEO_KOJIMA_EN) November 22, 2019
Nuk është e qartë nëse Kojima realisht është duke nisur punën me zhvillimin e lojës horror, apo nëse thjesht po eksploron mundësitë. Në 2017, Kojima tha se ai nuk kishte në plan t’i kthehej horrorit, por P.T vazhdon në jetë e rëndësishme, sado që e ka patur gjenezën para disa viteve.
Pak më herët gjatë këtij muaji, aktori Norman Reedus tha se ishte okay me faktin që Silent Hills nuk do të vazhdonte me zhvillimin. Gjithsesi, duke qenë se Konami ka të drejtat për Silent Hill, loja horror e Kojimës duhet të jetë një tjetër. Mbetet të presim dhe të shohim.