po ja ishalla..
po ja ishalla..
Në 2005 Henry Cavill bëri audicion për rolin e James Bond, por nuk ja doli ta fitonte rolin. Aktori vijoi të bëhej i famshëm me rolin e Superman dhe së fundmi me atë të Geralt of Rivia në serialin e Netflix, The Witcher. Cavill së fundmi është hapur për James Bond, duke thënë në një intervistë se do i interesonte shumë ideja e të luajturit të Bond në një film.
Cavill ishte vetëm 22 vjeç kur bëri audicionin për Casino Royale. Kjo do e kishte bërë atë aktorin më të ri që do të portretizonte atë rol. Ai tashmë është 37 dhe me Daniel Craig që do të stepet nga roli pas No Time To Die, producentët do të kërkojnë për një super-spy të ri. Asgjë nuk është vendosur akoma, por Cavill do që producentët ta dinë se është i interesuar.
“Nëse Barbara dhe Mike do të ishin të interesuar, padyshim që do të hidhesha menjëherë në një mundësi të tillë,” tha Cavill. “Në këtë stad gjërat janë akoma pak në ajër. Do të shohim se çfarë ndodh, por po, do të doja të luaja Bond. Do të ishte shumë emocionuese.”
Projekti më i fundit i Cavill në Netflix është Enola Holmes, në të cilën ai luan Sherlock Holmes.
Filmi i ri i James Bond, No Time To Die, është llogaritur të ketë premierën në nëntor të 2020s. Ai pritej të dilte fillimisht në prill, por u vonua për shkak të COVID-19. Ju mund të shikoni trailerin e tij më poshtë: