Komuniteti i Hearthstone është i acaruar me sistemin e ri të rewards

Ajo që filloi si paranojë e supozuar nga komuniteti është bërë zemërim i mbështetur matematikisht nga njerëz të zgjuar në Reddit, zemërim aq i madh sa tërhoqi disa nga emrat më të mëdhenj të Hearthstone, përfshirë Octavian “Kripparian” Morosan.

Battle pass i ri i Hearthstone duket se u jep lojtarëve më pak gold për kohën e kaluar ndërsa luanin ‘ladder’. Në një seri postimesh në Reddit zyrtar të lojës, streamer-i i Hearthstone, Jesse Alexander përshkroi se si sistemi i ri i shpërblimit mund të bëjë që lojtarët të humbin mijëra gold për ciklin e expansion-it.

Ngadalë, më shumë personalitete të Hearthstone kanë filluar të flasin kundër sistemit të ri të rewards. Kripparrian, i cili është padyshim emri më popullor në historinë e Hearthstone, gjithashtu përmblodhi mendimet e tij mbi sistemin e ri të shpërblimit në një postim në Twitter.

Kripp u bëri jehonë shumë shqetësimeve të njëjta si lojtarët nëpër Reddit. Në një postim vijues, Kripp tha se një pjesë tjetër e rëndësishme e problemit është sa konfuz është sistemi i riu, duke shtuar se fansat “nuk duhet të kenë nevojë për mendjet më të ndritura të Reddit për të kuptuar nëse sistemi është i mirë apo jo”.

Përveç Kripp, më shumë emra të mëdhenj po flasin kundër sistemit. Dekkster, Solem dhe Zeddy, ndër të tjera, kanë bërë video që tregojnë problemet dhe shprehin pakënaqësinë e tyre me shtesën e re. Një pjesë e madhe e inatit të komunitetit ndaj Blizzard mbi sistemin e ri të shpërblimit vjen nga besimi se ata u gënjyen haptazi.

Në raste të shumta gjatë kohës së kaluar deri në lançimin e ri, Blizzard siguroi lojtarët se sistemi i ri nuk do të merrte asnjë prej gold-it që mund të fitonin.